विपद पत्रकारिता सञ्जालकाे अध्यक्षमा अमिका राजथला

काठमाडौं, कार्तिक २९ । विपद पत्रकारिता सञ्जाल (डिजेएनकाे) प्रथम अधिवेशनले पत्रकार अमिका राजथलालाई पुन: अध्यक्ष निर्वाचित गरेकाे छ । अध्यक्ष राजथलाकाे नेतृत्वमा ९ सदस्यीय कार्यसमिति पदाधिकारी तथा कार्यसमिति सदस्यहरू सर्वसम्मतबाट निर्वाचित भएका हुन् ।

नयाँ कार्यसमितिकाे पदाधिकारीमा उपाध्यक्ष तारा ढकाल, सचिव देवी सापकाेटा, काेषाध्यक्ष शाेभा मानन्धर रहेका छन् । यस्तै, कार्यसमिति सदस्यहरूमा विजया तिवारी, अमृता घिमिरे, नरेन्द्र ढकाल, महानन्द तिमिल्सिना, र रूपा अर्याल रहेका छन् ।

विपद पत्रकारिता सञ्जालले विपदकाे क्षेत्रमा पत्रकारिताकाे माध्यम तथा दृष्टिकोणबाट काम गर्दै आएकाे छ । सन् २०१९ मा स्वतन्त्र सञ्जालकाे रूपमा गठन भएर सन् २०२२ देखि संस्थागत रूपमैं अगाडि बढ्दै आएकाे संस्थाले पत्रकारहरूकाे क्षमता अभिवृद्धिमा पनि काम गर्दै आएकाे छ ।